ᐊᔾᔨᒌᙱᑦᑐᑦ ᐱᓕᕆᐊᒃᓴᐃᑦ NNNFB−ᑯᑦ ᐃᓚᐅᕝᕕᒋᕙᒃᑕᖏᑦ.
ᓯᕙᓂᖅᑎᕈᑎ ᐱᐊᓂᒃᑎᓪᓗᒍ
ᓂᕿᓂᒃ ᓄᐊᑦᓯᕕᒃ ᓄᓇᕗᒻᒥ ᓂᕿᑖᕐᕕᒃ ᐱᒃᑯᒍᓱᒃᐳᑦ ᐱᓕᕆᖃᑎᖃᕈᓐᓇᕋᒥᒃ ᓂᕿᑖᕐᕕᖕᓂᒃ ᑲᓇᑕᒥ ᒪᓂᒪᑎᑦᑎᔪᒪᓪᓗᑎᒃ ᓯᕙᓂᓚᐅᖅᑎᓪᓗᒍ ᐱᓕᕆᐊᖑᕙᒃᑐᒥᒃ ᐃᖃᓗᖕᓂ. ᑖᓐᓇ ᐱᓕᕆᐊᒃᓴᖅ ᐱᔪᓐᓇᖅᑎᑦᑎᕗᖅ NNNFB−ᑯᓐᓂ ᐱᕙᒌᔭᐃᓂᕐᒥᒃ ᐱᑎᑦᑎᓂᕐᒥᒡᓗ ᓂᕿᑦᑎᐊᕙᖕᓂᒃ ᓈᒻᒪᒋᔭᖃᖅᑐᓂᒡᓗ ᓂᕿᓂᒃ ᐃᓕᓐᓂᐊᖅᑎᓄᑦ, ᐃᑲᔪᕐᓗᒋᑦ ᐅᓪᓗᖏᑦ ᖁᕕᐊᓱᖕᓂᖅᓴᐅᖁᓪᓗᒋᑦ.
ᖁᔭᓐᓇᒦᖅᖢᒍ ᓵᓐᑎᐅᓪ ᒪᑲᓂᔅ ᐃᖃᓗᖕᓂ ᓂᕿᑖᕐᕕᖕᒦᙶᖅᑐᖅ ᐃᓕᓴᐃᔨᐅᖃᑎᖏᓪᓗ, ᓇᓗᙱᑦᑎᐊᕋᓱᒃᐸᒃᐳᖅ ᑕᒪᓐᓇ ᐱᓕᕆᐊᖑᔪᖅ ᑎᑭᐅᑎᒐᓗᐊᕐᒪᖔᑦ ᐅᓄᓛᓄᑦ ᓄᑕᖅᑲᓄᑦ ᐊᔪᕐᓇᙱᓐᓂᓕᒫᖓᓂ. ᖄᒃᑲᓐᓂᐊᒍᑦ ᑐᓐᓂᖅᑯᓯᐊᑦ NNNFB−ᑯᓐᓂᑦ ᐃᑲᔪᖅᑐᐃᓪᓗᑎᒃ ᐱᓕᕆᐊᖑᔪᒥᒃ, ᐊᖏᒡᓕᒋᐊᖅᑎᑦᑎᔪᓐᓇᖅᐳᒍᑦ ᐊᒃᑐᖅᓯᓂᕆᔭᖓᓂᒃ ᑕᒪᑐᒪ ᐱᓕᕆᐊᖑᕙᓪᓕᐊᔪᒪᔫᑉ.
ᖁᔭᓐᓇᒦᒃ ᓵᓐᑎᐅᓪ ᐊᒻᒪ ᐊᑭᓕᖅᓱᖅᑕᐅᙱᖦᖢᑎᒃ ᐃᑲᔪᖅᑎᖏᑦ ᐊᒃᓱᕈᖅᖢᑎᒃ ᐱᓕᕆᖃᑦᑕᕐᓂᖏᓐᓄᑦ, ᐊᒻᒪᓗᑦᑕᐅᖅ ᓂᕿᓂᒃ ᓄᐊᑦᓯᕕᒃ ᓄᓇᕗᒻᒥ ᓂᕿᑖᕐᕕᖕᓄᑦ ᐊᑭᓕᖅᓱᖅᑕᐅᙱᖦᖢᑎᒃ ᐃᑲᔪᖃᑦᑕᖅᑐᑦ ᑲᑎᖦᖢᑎᒃ ᑕᒪᓐᓇ ᐱᓕᕆᐊᒃᓴᖅ ᐊᔪᕐᓇᕈᓐᓃᖅᑎᑕᐅᖁᓪᓗᒍ.
ᖁᔭᓐᓇᒦᒃ ᓂᕿᑖᕐᕖᑦ ᑲᓇᑕᒥ ᓴᖅᑭᑎᑦᑎᓚᐅᕐᓂᖏᓐᓄᑦ ᐱᓕᕆᐊᒃᓴᒥᒃ ᐱᓕᕆᖃᑎᖃᕐᓂᖏᓐᓄᓪᓗ NNNFB−ᑯᓐᓂᒃ ᓇᓗᙱᑦᑎᐊᕈᒪᓂᕐᒧᑦ ᑕᒪᓐᓇ ᐱᓕᕆᐊᖑᔪᖅ ᑲᔪᓰᓐᓇᕋᓗᐊᕐᒪᖔᑦ.
ᐃᑲᔪᕆᑦ ᑐᓂᓯᓂᕐᒥᑦ 175,000 ᓂᕿᑦᑎᐊᕙᓐᓂᑦ ᐴᖅᑲᖅᓯᒪᔪᓂᑦ ᓄᑕᖅᑲᓄᑦ ᐱᔭᕆᐊᓕᓐᓄᑦ ᑲᓇᑕᓕᒫᒥᑦ.
ᖃᐅᔨᒪᕖᑦ?
300,000 ᐅᖓᑖᓂ ᓱᕈᓰᑦ ᑲᓇᑕᒥ ᐊᒃᓱᕉᓴᖃᑦᑕᕐᒪᑕ ᓂᕿᑖᕋᓱᒃᖢᑎᒃ ᑕᖅᑭᑕᒫᑦ.
ᐊᐅᔭᖅ ᓄᑕᖅᑲᑦ ᐃᓕᑦᑎᕙᓪᓕᐊᔭᕆᐊᖃᖅᐳᑦ ᐊᖅᑲᐅᒪᓂᕐᒥᒃ ᓄᓇᓕᖕᓂ ᐳᐃᔾᔪᕋᕐᕕᖕᒥ ᐅᕝᕙᓘᓐᓃᑦ ᐊᐅᓚᑲᑕᖕᓂᕐᒥᒃ ᓯᓚᒥ ᐱᙳᐊᕐᕕᖕᒥ. ᑭᓯᐊᓂ ᑕᒪᓐᓇ ᐊᔪᕐᓇᖅᑐᒻᒪᕆᐊᓘᕗᖅ ᑳᒃᖢᓂ. ᐊᓯᔾᔩᖃᑕᐅᔪᓐᓇᖅᐳᑎᑦ!
2021−ᒥ, ᓇᒃᓯᐅᔾᔨᓚᐅᖅᐳᒍᑦ 150,000−ᓂᒃ ᓂᕿᑦᑎᐊᕙᖕᓂᒃ ᐴᖅᑲᖅᓯᒪᔪᓂᒃ ᓂᕿᑖᕐᕕᖕᓄᑦ ᑲᓇᑕᓕᒫᒥ ᑐᓂᐅᖅᑲᖅᑕᐅᓂᐊᖅᑐᓂᒃ ᓄᓇᓕᖕᓄᑦ ᐱᔭᕆᐊᖃᖅᑐᓄᑦ..
175,000-ᓂᒃ ᐴᕐᓂᒃ ᑐᓂᓯᔪᒪᕗᒍᑦ 2022-ᒥ, ᐊᑐᓂ ᐃᓗᓕᖃᖅᑐᑦ ᓂᕿᑦᑎᐊᕙᖕᓂᒃ, ᓄᑕᖅᑲᓄᑦ ᓈᒻᒪᒃᑐᓂᒃ ᓂᕿᓂᒃ − ᐃᑲᔪᖅᑕᐅᔪᒪᕗᒍᓪᓗ ᐃᓕᔅᓯᓐᓄᑦ ᑕᐃᑯᙵᕈᓐᓇᖁᓪᓗᑕ.
ᓱᓇᐅᕙᑦ ᐴᖅᓯᒪᔪᑦ?
ᐊᑐᓂ ᐴᖅᓯᒪᔪᑦ ᓂᕿᑦᑎᐊᕙᐅᕗᑦ, ᓄᑕᖅᑲᓄᑦ ᑐᙵᓇᖅᑐᑦ ᓂᕿᑦ. ᐴᖅᑲᖅᓯᒪᔪᑦ ᑲᑎᖅᓱᖅᑕᐅᕙᒃᐳᑦ ᐴᖅᑲᐃᓐᓇᐅᑎᓪᓗᒍ ᓲᕐᓗ ᐃᒻᒧᒃ, ᕼᐊᒧᔅ, ᓯᕙᓛᑦ, ᐅᓪᓛᒃᑯᑐᒐᐃᑦ, ᐊᓗᒐᒃᓴᑦ, ᐊᒻᒪ tournesol ᐱᕈᖅᓯᐊᒃᓴᑦ. ᐊᐅᓪᓚᖅᑎᑕᐅᓕᖅᐸᒃᖢᑎᒃ ᓄᓇᓕᖕᓂ ᓂᕿᑖᕐᕕᖕᒧᑦ, ᑖᒃᑯᐊᓗ ᐊᑐᖅᐸᒃᖢᑎᒃ ᐊᐃᑦᑑᑎᓂᒃ ᑮᓇᐅᔭᓂᒃ ᐃᓚᓯᕙᒃᖢᑎᒃ ᓱᕈᖅᓴᕋᐃᑦᑐᓂᒃ ᓲᕐᓗ ᐋᐳᓂᒃ, ᓯᐅᕋᐅᔮᖅᑐᓂᒃ ᐲᔅᓂᒃ, ᓰᓯᓂᒃ, ᐊᒻᒪ ᔫᒍᑦ.
